متي أفضل وقت لممارسة الرياضة في رمضان
كابتن .. دكتور .. بروفيسور .. خبير .. نجار .. طيار .. طباخ .. ضاع الحابل بالنابل .. والكل قام يعطي تمارين رياضية واهل الاختصاص ماتوا .. والسؤال متى افضل وقت لممارسة الرياضة.. قبل الفطور .. لا بعد الفطور .. لا لا قبل السحور .. قصدي بعد السحور .. لا بعد صلاة الظهر .. لا يجامعاه افضل وقت اثناء تناول الفطور تأكل لقمه وتهرول .. الخبراء يا عباقرة يا دكاترة يا كباتن تكفون اتفقوا على وقت ما يصير كل واحد اجابته مختلفة عن الثاني .. الناس ضاعت واحد يقول الرياضة قبل الفطور تسبب الهبوط .. والأخر يقول قبل الفطور افضل وقت لحرق الدهون وهذاك يقول بعد الفطور ماتخسر دهون وواحد يقول بين التراويح والسحور والله كرهتنا خلق الله بالرياضة .. وضاعت خلق الله بين العبادة والرياضة .. ومبروك عليكم العرب حصدت الثانية عالميا بسبب ان هناك فئه كل هدفها الربح المادي والتجارة على حساب صحتكم
* افضل وقت انت من يقرر وانت من يحدد اذا شفت نفسك تعبان او حاس بدوخة وصداع لا تنتقم من نفسك .. لا يكلف الله نفسا إلا وسعها .. إذا شفت نفسك مقتدر قبل الفطور وانت صايم ما يمنع تخصص نص ساعه الى ساعه رياضه خفيفة مثل المشي او تمارين هوائية واذا حسيت بتعب او صداع ارتاح وتجنب اشعة الشمس .. واللي يبي يبني عضل ويحافظ على لياقته يمارس الرياضة بعد الفطور بساعتين الى ثلاث .. واللي فيهم قلب ضغط سكر الله يشفيهم يمارسون الرياضة بالوقت اللي يشوفونه مناسب ولكن من غير حمل اوزان او صعود السلالم او ممارسة الهرولة .. وسلامتكم وتقبل الله طاعتكم أي سؤال بالخدم
ليست هناك تعليقات:
إرسال تعليق